الحكاية فيها انت

رسائل محمد رشاد ومي حلمي لريهام سعيد والمتطفلين

رسائل محمد رشاد ومي حلمي لريهام سعيد والمتطفلين الصورة لإنسان
موقع إنسان

موقع إنسان

شارك

للمرة الأولى عقب الغاء زفاف نجم الغناء الصاعد ونجم "برنامج ارب أيدول" على المذيعة الشابة مي حلمي قبل بدأه بساعات قليلة.

منذ عدة أيام خرج "رشاد" عبر حسابه الرسمي على انستجرام لينفي كل الشائعات التي أطلقها المتطفلين سواء في سوشيال ميديا

أو في الإعلام والصحافة وكان آخرها المذيعة ريهام سعيد التي قالت في برنامجها "صبايا" على قناة الحياة أن لديها معلومات حصلت

عليها من مقربين من مي حلمي أنها ترقد في المستشفى مصابة بشبه جلطة في القلب وهو مانفاه رشاد مكذبًا ريهام سعيد

وموجهًا انتقادًا لاذعًا لها في رسالة قال فيها :

"الأستاذة الإعلامية الفاضلة، ريهام سعيد.. أولًا اسمي وحياتي الخاصة والعامة لا تعنيكي في شيء، ومسمحش إنك تصوريني في

صورة الإنسان المستهتر بمشاعر الإنسانة اللي بحبها أو بينا شيء محترم، لكن محصلش بينا نصيب لخلافات خاصة بينا قبل أي حد

كائنا من كان، والقرار بخيره أو بشره عائد علينا أولًا وأخيرًا، قدر الله وما شاء فعل، إن لم يشأ لم يكن وإن شاء قد كان.

وأضاف: "ثانيًا المصادر الموثوقة اللي قالتلك إن مي جالها جلطة في المخ، موصلتش لحضرتك إنها كانت معايا أثناء عرض الحلقة

بتاعتك، بنحاول نوصل لحل يرضي أطراف الخلاف اللي حدث يوم زفافنا، ومكنش ولله الحمد عندها جلطة في المخ بعد الشر عنها،

وعن أي شخص معتقدش هتوصلك لأن مصادرك يا أستاذة يا كبيرة ضعيفة".

واستكمل: "ثالثًا وده الأهم مي بالنسبة لي أكبر من كل الكلام اللي بيتقال وهيتقال، لأن بيننا عشرة وسنين شوفنا فيها حلو ووحش

ولو حضرتك كلمة الكرامة لا تعني لك شيء فأنا كرامتي وكرامة أهلي تعنيني جدًا وتهمني بعيدًا عن كل المهاترات اللي تم نشرها

خلال الايام اللي فاتت وأنا احترامًا لأيام ومشاعر بينا محبتش أتكلم ولا هتكلم، لأن مي سواء كانت شريكتي في الحياة أو لا بنصيب

وقدر الله تعني لي كتير جدا".

بينما ردت المذيعة ريهام سعيد على رشاد من خلال حسابها الشخصي على انستجرام مطالبة اياه ألا يستخدمها كبش فداء وأن يصب

تركيزه على مشكلته قائلة له في رسالتها :

"رد واجب لفنان صاعد، أنا في حالة صدمة من تصريحاتك، الصحافة بتتكلم لمدة 3 أيام ومقررتش ترد غير عليّ، مع إني الوحيدة اللي

متكلمتش على سبب الانفصال لأنه خاص بيك".

مضيفة: "مفيش حاجة اسمها حياة شخصية لشخصية عامة، وهي دي الضريبة وبالرغم من علمنا بالموضوع يوم الأحد، ماذعناش

حرف، لحد ما الصحافة كلها اتكلمت، ومي دخلت المستشفى، ولحد ما كلمتها مكالمة وقالت هتتكلم عن الموضوع في برنامجي".

وتابعت: "حضرتك قمت بتأليف سيناريو إن أنا قلت إنك اتخليت عنها، ممكن يكون ده إحساسك، لكن أنا مقولتش حاجة شبه كده حتى،

أنا قُلت بتمنى إنكم تتصالحوا ولو محصلش يبقى خير ليكم إنتوا الاتنين".

مختتمة: "أنا قُلت إني بتكلم عنها مش عنك، لأن البنت دائما بتتأثر بإلغاء الفرح أكتر من الراجل، أستاذ محمد رشاد الـ 5 دقايق اللي في

صبايا، اللي بتمنى فيهم الشفاء لزميلة وبواسيها، مايجوش حاجة جنب الأخبار اللي على المواقع

متاخدش ريهام سعيد كبش فدا، وركز في مرض خطيبتك وإلغاء زواجك اللي هما أهم بكتير، وللعلم مصادري من أقرب المقربين لمي،

وموثقة بصور المحادثات، وأخيرا زي ما قلت في الحلقة اللي إنت ماشفتهاش، بتمنى لكم التوفيق".

لتحسم المذيعة مي حلمي الجدل الدائر بينهما برسالة بثتها عبر حسابها الرسمي في انستجرام طمأنت فيها جمهورها وحملت رسائل

مبطنة لريهام سعيد وكل من تطفل وتدخل في الأمر قائلة :

شكرًا لكل الناس اللي بتحبنا والزملاء اللي اطمنت عليا وسألت عني، قبل أي حاجة أنا ما جاليش جلطة الحمد لله ولا الكلام دا مجرد ضغط

نفسي وانسداد في الشعب الهوائية بقالي كام يوم أكيد بسبب اللي حصل ودا وارد بين أي طرفين ومشاكل حياتنا الخاصة تخصنا لوحدنا

واحنا قادرين نحلها بكافة الطرق لأن حياتنا إحنا وكشخصيات عامة محدش له يدخل ويتكلم ويحلل ويقول ضريبة الشهرة لا حياتنا

الخاصة مش للشهرة".

وأضافت مي: "ويا ريت نتعلم من الأمثال اللي ليها حكمة، العروسة للعريس والجري للمتاعيس في الآخر اللي داخل خارج بين البصلة

وقشرتها عمركوا ما شفتو بصل من غير قشر مش هينبكم غير إن اللي قال كلمة وحشة هتقعدله وهيبقالنا الحلو كله".

شبيك لبيك